Questa poesia, scritta da Franco Quargnal, è stata letta per ricordarlo in occasione della 23ª Marcia della solidarietà di Ruda, il 17 gennaio 2016.
In t’una ostaria soi nassût
e un mont cambià ai viodût,
ai respirat fum di spagnol
odôrs di gulash e gialina,
di seva, di ai e di patacis un.côl
insiemit a tripis e vin di cantina.
Soi cressût tra sberladis
di briscula, di mora e di balis
tra blastemis e cjantadis
cun nemiis che deventavin fradis.
Tanta int nostrana e foresta.
Si gustava e si senava ta confusion.
Ogni zornada era come ‘na fiesta,
devant da pastasuta o dal mignestron.
Tal profum di polenta,
dismenteava temporâi e lamps,
la int: era duta contenta!
Fûr fadis di fabrica e di cjamps.
Era propri ‘na granda famea:
mangiava al rnuradòr e ‘I militâr.
Par duc mignestra e ‘na çjadrea.
E ancja ‘I disocupât tratat al pâr.
Ta ombrena da piargula o dal cocolâr
spietant che cali la batuda,
eco li contis dai vecjos, no l’era râr,
su fas e bielis storiis di Ruda.
L’ostaria era un centro di vita,
miseria e politica: cresceva la storia.
Par viodi Sanremo: via subìta,
là di Spanghero o cà da Vitoria.
Vuê no l’è plui cussì
duc andan la television in cjasa,
l’ostaria je deserta, là e culì:
nuja cjants e profums nessun nasa!
AI juke-box cumò a duta fuarsa,
si mangjin panins, cun coca o bira,
la int, par ‘na tassa, a è scjarsa:
je bruta l’aria che tira.
Se va cussì al progrès
bruta pal vecjo e piês pal frut,
nuja cjantâ e cjatâsi spes:
l’ostaria a siara e rnûr dut!
Franco Quargnal
